Rih-Sang

Ing awang - awang

atiku tumangsang 

ngupadi Rih-Sang 

Ing ngisor kebak carang 

Pancoban lan Pepalang 

Keplantrang cedhak sendang 

warih angarih sowang sesawang

 Kena Pamiluting dasih 

Ati kang kebak sesawang endah 

marsudi kang Rih-Sang 

Gumregah ing langkah, jumangkah ndepani jangkah 

sing ka-angkah hamung manembah 

mring gusti kang paring panembah 

uga paring berkah 

 

pepalang, panyandhang, panyawang 

Ng-emulsih pepandhang ujud sihing Rih-Sang 

Rih-sang Astamu, Rih-sang tekadmu, Rih-sang Gumolongmu 

Kacipta, karasa, kabudi lan kakarsa 

Nyawiji mujudake anteping atimu kang Rih-sang